😊 आजचे दिनविशेष : दि .-4 ऑक्टोबर,2020 .😊

💐 वार :- रविवार ,दि :-  ४ ऑक्टोबर २०२० 💐

अश्विन कृष्ण-पक्ष कृष्ण तृतीया, 

शके १९४२

😊 जागतिक दिवस 😊

स्वातंत्र्य दिन: लेसोथो.

😊💐 ठळक घटना / घडामोडी 💐😊

१८२४: मेक्सिकोने नवीन राज्यघटना अंगीकारली आणि ते प्रजासत्ताक बनले.

१९२७: गस्टन बोरग्लम याने माऊंट रशमोअर चे शिल्प कोरण्यास सुरुवात केली.

१९४०: ब्रेनर पास येथे अ‍ॅडॉल्फ हिटलर व बेनिटो मुसोलिनी यांची भेट झाली.

१९४३: दुसरे महायुद्ध – अमेरिकेने सॉलोमन बेटे ताब्यात घेतली.

१९५७: सोविएत रशियाने स्पुटनिक-१ हा पहिला कृत्रिम उपग्रह अंतराळात सोडून अंतराळयुगाचा प्रारंभ केला.

१९५९: सोविएत रशियाच्या ल्युनिक-३ या अंतराळयानाने चंद्राला प्रदक्षिणा घालून चंद्राच्या पृथ्वीवरुन न दिसणार्‍या भागाची छायाचित्रे घेतली.

१९८३: नेवाडामधील ब्लॅक रॉक डेझर्ट येथे रिचर्ड नोबल याने आपली थ्रस्ट – २ ही गाडी ताशी १०१९ किमी वेगाने चालवून विश्वविक्रम प्रस्थापित केला.

२००६: ज्युलियन असांज यांनी विकिलीक्स सुरू केले

🎂 💐 जन्म / वाढदिवस 💐 🎂

१८२२: अमेरिकेचे १९ वे राष्ट्राध्यक्ष रुदरफोर्ड हेस यांचा जन्म. (मृत्यू: १७ जानेवारी १८९३)

१८८४: भारतीय इतिहासकार आणि लेखक रामचंद्र शुक्ला यांचा जन्म. (मृत्यू: २ फेब्रुवारी १९४१)

१९१३: शास्त्रीय गायिका सरस्वतीबाई राणे यांचा जन्म. (मृत्यू: १० ऑक्टोबर २००६)

१९१३: हैती देशाचे पहिले पंतप्रधान मार्टिअल सेलेस्टीन यांचा जन्म. (मृत्यू: ४ फेब्रुवारी २०११)

१९१६: अर्थशास्त्रज्ञ व प्राध्यापक धनसुखलाल तुलसीदास लाकडावाला यांचा जन्म.

१९२८: अमेरिकन पत्रकार व लेखक ऑल्विन टॉफलर यांचा जन्म.

१९३५: मराठी चित्रपट व नाट्य अभिनेते, तबलावादक, गायक आणि हार्मोनियमवादक अरुण सरनाईक यांचा जन्म. (मृत्यू: २१ जून १९८४)

१९३७: इंग्लिश लेखिका व अभिनेत्री जॅकी कॉलिन्स यांचा जन्म.

 😢 💐 मृत्यू/पुण्यतिथी/स्मृतीदिन 💐 😢

१६६९: डच चित्रकार रेंब्राँ यांचे निधन. (जन्म: (जन्म: १५ जुलै १६०६)

१८४७: महाराष्ट्रातील एक सद्गुणी, प्रजाहितदक्ष पण दुर्दैवी राजे प्रतापसिंह भोसले यांचे निधन. (जन्म: १८ जानेवारी १७९३)

१९०४: स्टॅच्यू ऑफ लिबर्टी चे रचनाकर फ्रेडेरीक ऑगस्टे बर्थॉल्ड यांचे निधन. (जन्म: २ ऑगस्ट १८३४)

१९२१: गायक, नट केशवराव भोसले यांचे निधन. (जन्म: ९ ऑगस्ट १८९०)

१९४७: नोबेल पारितोषिक विजेते जर्मन भौतिकशास्त्रज्ञ मॅक्स प्लँक यांचे निधन. (जन्म: २३ एप्रिल १८५८)

१९६६: सत्यकथा चे संपादक अनंत अंतरकर यांचे निधन. (जन्म: १ डिसेंबर १९११)

१९८२: मराठी कवी सोपानदेव चौधरी यांचे निधन. (जन्म: १६ ऑक्टोबर १९०७)

१९८९: संगीतकार, गायक व नट संगीतभूषण पं. राम मराठे यांचे निधन. (जन्म: २३ ऑक्टोबर १९२४)

१९९३: अभिनेते जॉन कावस यांचे निधन.

२००२: वृत्तपट निवेदक भाई भगत यांचे निधन.

२०१५: भारतीय दिग्दर्शक आणि निर्माता एडिडा नागेश्वर राव यांचे निधन. (जन्म: २४ एप्रिल १९३४)

  🙏🏻🌺 दिनविशेष🌺🙏🏻

जन्मदिन -:नेत्रतज्ञ डॉ.एम सी मोदी ( 1916)

जन्मदिन -: मराठीअभिनेता अरुण सरनाईक (1935)             ****************      

 🙏🏻 जन्मदिन -:नेत्रतज्ञ डॉ.एम सी मोदी ( 1916)

             मित्रांनो एक नेत्रशल्यविशारद त्याच्या संपूर्ण आयुष्यात समजा चाळीस-पन्नास  वर्षात जास्तीत जास्त किती मोतीबिंदू शस्त्रक्रिया करू शकेल?  एक लाख,दोन ? चुकते आहे तुमचे उत्तर.

          डॉक्टर एम सी मोदी यांनी त्यांच्या आयुष्यात सात लाख नेत्र शस्त्रक्रिया केल्या. अशक्य वाटते ना? परंतु ही गोष्ट  सत्य आहे.

         डॉक्टर एम सी मोदी यांचे नाव गिनीज बुक ऑफ वर्ल्ड रेकॉर्डमध्ये नोंद झालेले आहे. डॉक्टरांनी एका दिवसात 833 मोतीबिंदू शस्त्रक्रिया  करण्याचे रेकॉर्ड केलेले आहे. त्यांनी आपल्या कार्यकाळात 46,120 खेड्यांना भेटी देऊन   1 कोटी रुग्ण तपासले . 

      सात लाख मोतीबिंदू ,(कॅटरॅक्ट ) शस्त्रक्रिया केल्या. 1980 मध्ये त्यांनी एम सी मोदी चारिटेबल आय हॉस्पिटलची स्थापना महालक्ष्मिपुरम्  कर्नाटक येथे केली आहे .

            अत्यंत मानवतावादी दृष्टिकोन असलेले डॉक्टर मुरुगप्पा चन्नविरप्पा मोदी यांचा जन्म 4 ऑक्टोबर 1916 या दिवशी कर्नाटकातील बागलकोट जिल्ह्यामध्ये बिगाली या खेडेगावात झाला . त्यांचे शिक्षण जमखंडी येथे झाले .उच्च शिक्षण बेळगाव येथे झाले .

        8 ऑगस्ट 1942 रोजी ऑगस्ट क्रांती मैदानावरील महात्मा गांधींचे छोडो भारत आंदोलनाच्या पार्श्वभूमीवरील भाषण ऐकून त्यांचे जीवनच बदलून गेले. त्यांनी प्रायव्हेट प्रॅक्टिस मधील करिअरचा त्याग केला आणि त्याच वेळेस आपले संपूर्ण जीवन अंधांच्या कल्याणासाठी देण्याचे ठरविले .

         ते म्हणतात ,"I felt affected when I saw  blind people begging .They just did not have money  to go to doctor"

       त्यानंतर डॉक्टर मोदींनी नेत्रशस्त्रक्रिया  शिबिरे घेण्यास सुरुवात केली .अशा प्रकारची शिबिरे घेणारे डॉक्टर मोदी हे भारतातील पहिलेच डॉक्टर.

            गरीब जनतेची सेवा करावयाची तर अर्थातच त्यांच्याकडे पैसे नसणार. डॉक्टरांनी दानशूर व्यक्तींना  धर्मादाय संस्थांना आवाहन करून मोफत नेत्रतपासणी आणि शस्त्रक्रियांची शिबिरे आयोजित केली .अगदी ग्रामीण भागामध्ये   आपल्या सहकाऱ्यांच्या मदतीने. त्यांच्यासारखेच जे कोणी डॉक्टर समाज सेवा करू इच्छित होते यांच्या मदतीने .लाखो  लोकांना दृष्टी देण्याचं कार्य त्यांनी केलेलं आहे . रुग्णांचा ऑपरेशन, औषधोपचार आणि चष्मा हा सर्व खर्च शिबिरात केला जात होता.

हेन्री फोर्ड यांनी  कार बनवण्यासाठी जशी असेम्ब्ली लाईन बनवली होती तशाच प्रकारची असेम्बली लाईन डॉक्टर मोदींनी बनवली असं म्हटलं जातं.

हेलेन केलर डॉक्टरांविषयी असे म्हणतात ," light piercing the darkness with selflessness" 

    अनेक मानसन्मान देऊन डॉक्टरांना सन्मानित करण्यात आलेले आहे.

1956 या वर्षी पद्मश्री 

1968 या वर्षी पद्मभूषण 

1954 नाईट ऑफ द ब्लाइंड  .

अनेक विद्यापीठांनी  सन्माननीय डॉक्टरेट देऊन त्यांचा गौरव केलेला आहे.

          11 नोव्हेंबर 2005 या दिवशी डॉक्टर एम. सी. मोदी यांनी या जगाचा निरोप घेतला.

  🌺🌺🌺🌺🌺🌺🌺

    🙏🏻 जन्मदिन -: अरुण सरनाईक (4 ऑक्‍टोबर 1935, मृत्यू 21 जून 1984) 

मराठी चित्रपट सृष्टीतील एक उमदा अभिनय संपन्न हरहुन्नरी अभिनेता ज्याच कार अपघातात अकाली निधन झालं.

एका परिपूर्ण अभिनेत्याकडे ज्या काही गोष्टी लागतात, त्या सर्वांचा अंतर्भाव अरुण सरनाईक यांच्या व्यक्तिमत्त्वामध्ये पाहायला मिळाला होता.

     लहान अरुणच्या घरातच कला होती. अरुणचे वडील शंकरराव सरनाईक हे संगीतज्ज्ञ होते तर त्याचे काका निवृत्तीबुवा सरनाईक हे प्रख्यात शास्त्रीय गायक. गाण्याचं हे अंग अरुणला या जोडीकडूनच मिळालं. त्यामुळे अभिनयात नावारूपास येण्यापूर्वीच अरुणनं पेटी, तबल्यात मातब्बरी मिळवली होती. 

         संगीताची हीच आवड अरुणला कलाक्षेत्रातील दारं उघडण्यास उपयोगी ठरली. तत्पूर्वी मुंबईच्या रुईया महाविद्यालयामधून त्यानं पदवीही मिळवली. तसेच थेट कलाक्षेत्रात उडी न मारता इचलकरंजीला एका कारखान्यात व्यवस्थापक म्हणूनही काही काळ काम पाहिलं. परंतु, तिथं त्याचा जीव काही रमला नाही. याच सुमारास मो. ग. रांगणेकर हे "भटाला दिली ओसरी' हे नाटक बसवीत होते. या नाटकात अरुणनं काम केलं.         प्रख्यात लेखक-दिग्दर्शक अनंत माने यांची नजर अरुण सरनाईक यांच्यावर गेली . त्यांनी "शाहीर परशुराम' चित्रपटात अरुणला एक दुय्यम भूमिका मिळाली. या भूमिकेपाठोपाठ लेखक-दिग्दर्शक दिनकर द. पाटील यांचा "वरदक्षिणा' आणि दत्ता धर्माधिकारी यांचा "विठू माझा लेकुरवाळा' हा चित्रपटही अरुणला मिळाला. परंतु, हे तिन्ही चित्रपट फार काही मोठं यश मिळवू शकले नाहीत. 

          त्यानंतर आलेल्या "रंगल्या रात्री अशा' या चित्रपटानं किमया केली आणि अरुणचा अरुणोदय झाला. या चित्रपटानं सरनाईकांना मोठा "फॅन फॉलो

अर' मिळाला. शिवसेनाप्रमुख बाळासाहेब ठाकरे हे त्यांचे या काळातले मोठे चाहते ठरले. या चित्रपटासाठी प्रख्यात तबलावादक उस्ताद अल्लारखॉं यांनी तबलावादन केलं होतं. प्रत्यक्ष चित्रपटात तबल्यावरील सरनाईकांची सफाई पाहून अल्लारखॉंनी त्यांचं कौतुक केलं होतं. त्यापुढं जात शिवसेनाप्रमुखांनी या कलावंताचा भविष्यकाळ उज्ज्वल असल्याचं भाकीत केलं आणि नंतर ते खरं ठरलं.

              सरनाईकांचा अरुणोदय झाला तेव्हा चंद्रकांत, सूर्यकांत, विवेक, रमेश देव यासारख्या अभिनेत्यांची कारकीर्द विशेष फॉर्मात होती. त्यामुळे सरनाईकांची डाळ शिजणं हे थोडं कठीण काम होतं. परंतु, बुलंद आवाज, अभिनय आणि संवादफेकीच्या जोरावर हा कलावंत बघताबघता इतरांच्या पुढं गेला. त्या काळातला चित्रपट हा ग्रामीण आणि शहरी अशा दोन्ही प्रकारच्या कथानकांच्या उंबरठ्यावर होता. सरनाईकांनी या दोन्ही प्रकारांमध्ये मातब्बरी मिळवली. 

            सुरुवातीच्या काळातच त्यांनी भूमिकांची प्रयोगशीलता जपली. राजा ठाकूर दिग्दर्शित "पाहू रे किती वाट' या चित्रपटात ते डॉ. चारुदत्त या नायकाच्या व्यक्तिरेखेत झळकले तर "सुभद्राहरण' या चित्रपटात त्यांनी थेट दुर्योधनाचा खलनायक साकारला. सरनाईकांची कारकीर्द उंचावली जाण्यास कारणीभूत ठरलेले चित्रपट म्हणजे "एक गाव बारा भानगडी', "केला इशारा जाता जाता', "सवाल माझा ऐका', "सिंहासन' आदी चित्रपट. 

           "मुंबईचा जावई'मधील सरनाईकांचा नाट्यवेडा अविनाश लक्षणीय ठरला. डॉ. जब्बार पटेल दिग्दर्शित "सिंहासन'मधील जयाजीराव शिंदे ही मुख्यमंत्र्यांची व्यक्तिरेखा सरनाईकांच्या कारकीर्दीमध्ये सरताज ठरली. मुख्यमंत्र्याच्या व्यक्तिमत्त्वासाठी आवश्‍यक असलेले भावदर्शन सरनाईकांनी या व्यक्तिरेखेत एकवटले होते.      सरनाईकांमधील संगीताचा आविष्कार पडद्यावर आणण्यास कारणीभूत ठरले ते संगीतकार राम कदम.      "डोंगरची मैना' आणि "गणगौळण' या दोन चित्रपटात कदम यांनी सरनाईकांना पार्श्‍वगायनाची संधी दिली. "घरकुल' या चित्रपटासाठी सी. रामचंद्र यांनी त्यांच्याकडून "पप्पा सांगा कुणाचे' हे अजरामर गीत गाऊन घेतलं. 

       त्यानंतर काही वर्षांनी आलेल्या "चंदनाची चोळी अंग अंग जाळी' या चित्रपटामधील "एक लाजरा न साजरा मुखडा चंद्रावाणी फुलला गं...' हे गाणंही सरनाईकांमधील श्रेष्ठ गायकावर शिक्कामोर्तब करणारं ठरलं. 

            अभिनयातील व्यस्तता एकीकडे कायम ठेवत सरनाईकांनी आपण समाजाचं देणं लागतो, या भावनेला छेद दिला नाही. चित्रीकरणातून वेळ मिळाला की कुष्ठरुग्णांसाठी काम करणाऱ्या "आनंदग्राम'मध्ये ते स्वतःला झोकून द्यायचे. तिथं खऱ्या अर्थानं ते रमले. तिथल्या आबालवृद्धांच्या हाती फळं, खाऊ देताना त्यांचा चेहरा आनंदानं ओसंडून वाहायचा.

               21 जून 1984च्या पहाटे "पंढरीची वारी' या चित्रपटाचं चित्रीकरण आटोपून कोल्हापूर-पुणे असा आपल्या कुटुंबियांसमवेत प्रवास करीत असताना त्यांच्या मोटारीला अपघात झाला आणि हा कलावंत काळाच्या पडद्याआड गेला.

🌺🌺🌺🌺🌺🌺🌺🌺

  

                                            💐💐 संकलन 💐💐

                                                 श्री. भरत पाटील.