😊 आजचे दिनविशेष : दि :- 25 सप्टेंबर,2020. 😊

💐 वार :- शुक्रवार, दि :- २५ सप्टेंबर २०२० 💐

अश्विन शुक्ल-पक्ष शुक्ल- नवमी, 

शके १९४२

💐 😊 आजच्या ठळक घटना  😊 💐

१६६४: नेदरलँड्सने न्यू ऍम्स्टरडॅम इंग्लंडच्या हवाली केले.

१८७३: महात्मा फुले यांनी सत्यशोधक समाजाची स्थापना केली.

१९३२: पुणे करारावर महात्मा गांधी, डॉ. बाबासाहेब आंबेडकर, पं. मदनमोहन मालवीय, बॅ. मुकुंदराव जयकर आदींच्या सह्या.

१९४६: हाँगकाँग येथे कॅथे पॅसिफिक एअरवेज ची स्थापना झाली.

१९४८: होंडा मोटार कंपनीची स्थापना.

१९६०: अणुशक्तीवर चालणाऱ्या यू. एस. एस. एंटरप्राइझ या जगातील पहिल्या विमानवाहू नौकेचे जलावतरण झाले.

१९७३: गिनी-बिसाऊला पोर्तुगालपासून स्वातंत्र्य.

१९९४: सॅटॅनिक व्हर्सेस या कादंबरीचे वादग्रस्त लेखक डॉ. सलमान रश्दी यांच्यावरील मृत्युदंडाचा फतवा मागे.

१९९५: मृत्यूंजय कादंबरीसाठी शिवाजी सावंत यांना भारतीय ज्ञानपीठ या संस्थेतर्फे मूर्तिदेवी पुरस्कार जाहीर झाला. हा पुरस्कार मिळवणारे ते पहिलेच मराठी लेखक आहेत.

१९९९: कैगा अणूशक्ती प्रकल्पाचे दुसरे युनिट कार्यान्वित झाले.

२००७: कर्णधार धोनीच्या नेतृवाखाली भारताने टी-२० विश्वकप जिंकला.

२०१४: मार्स ऑर्बिटरी मिशन (एमओएम) – भारतीय अंतराळ संशोधन संस्थेद्वारे (इसरो) प्रक्षेपण केलेल्या मार्स ऑर्बिटर ने मार्स ची कक्षा ओलांडली.

२०१५: मक्का शहरात हज चालू असताना चेंगराचेंगरीत ७१७ लोक ठार.

  

🎂 💐 आज जन्मलेल्या प्रमुख व्यक्ति  💐 🎂

१२१५: मंगोल सम्राट कुबलाई खान यांचा जन्म. (मृत्यू: १८ फेब्रुवारी १२९४)

१७७१: जपानी सम्राट कोकाकु यांचा जन्म.

१८६१: बॉश कंपनी चे संस्थापक रॉबर्ट बॉश यांचा जन्म. (मृत्यू: १२ मार्च १९४२)

१९०३: समाजवादी नेते, स्वातंत्र्यसैनिक युसूफ मेहेर अली यांचा जन्म. (मृत्यू: २ जुलै १९५०)

१९०८: देशभक्त व हिन्दी साहित्यिक रामधारी सिंह दिनकर यांचा जन्म. (मृत्यू: २४ एप्रिल १९७४)

१९११: भारतीय भौतिकशास्त्रज्ञ राप्पल संगमेश्वर कृष्णन यांचा जन्म.

१९१४: ब्रुनेईचा राजा ओमर अली सैफुद्दीन (तिसरा) यांचा जन्म.

१९१५: नोबेल पारितोषिक विजेते अमेरिकन भौतिकशास्त्रज्ञ क्लिफर्डशुल यांचा जन्म.

१९१७: भारतीय रसायनशास्त्र आसिमा चॅटर्जी यांचा जन्म. (मृत्यू: २२ नोव्हेंबर २००६)

१९१९: पुणे विद्यापीठाचे कुलगुरू, शिक्षणतज्ञ देवदत्त दाभोळकर यांचा जन्म. (मृत्यू: १७ डिसेंबर २०१०)

१९२०: नाट्य लेखक व अभिनेते भालबा केळकर यांचा जन्म. (मृत्यू: ६ नोव्हेंबर १९८७)

१९४३: अभिनेत्री तनुजा यांचा जन्म.

१९५०: समाजशास्त्रज्ञ डॉ. अभय बंग यांचा जन्म.

१९५२: क्रिकेटपटू अंशुमान गायकवाड यांचा जन्म.

१९५७: पार्श्वगायक कुमार सानू यांचा जन्म.

😢 💐 आज मृत्युमुखी झालेल्या प्रमुख व्यक्ति 💐 😢

१०६६: नॉर्वेचा राजा हॅराल्ड (तिसरा) यांचे निधन.

१५०६: कॅस्टिलचा राजा फिलिप (पहिला) यांचे निधन.

१६१७: जपानी सम्राट गो-योझेई यांचे निधन.

१९८३: बेल्जियमचा राजा लिओपोल्ड (तिसरा) यांचे निधन.

१९९०: पश्चिम बंगालचे तिसरे मुख्यमंत्री प्रफुल्लचंद्र सेन यांचे निधन. (जन्म: १० एप्रिल १८९७)

१९९८: रंगकर्मी, दिग्दर्शक, निर्माते व लेखक कमलाकर सारंग यांचे निधन. (जन्म: २९ जून १९३४)

२००४: इंग्रजी व मराठी कवी अरुण कोलटकर यांचे निधन. (जन्म: १ नोव्हेंबर १९३२)

२०१३: लेखक शं. ना. नवरे यांचे निधन. (जन्म: २१ नोव्हेंबर १९२७ 

 😊😊 दिनविशेष *25 सप्टेंबर* 😊😊

🌺🌺🌺🌺🌺🌺🌺🌺

जन्मदिन :- सतिश धवन. ISRO Ex.director (1920)

जन्मदिन :-पत्रकार माधव गडकरी(1928).               

 ⭐⭐⭐⭐⭐⭐⭐⭐  

            सतिश धवन (25 सप्टेंबर 1920– 3जानेवारी 2002) यांचेभारताच्या अंतराळ संशोधन कार्यक्रमच्या वाटचालीत महत्वाचे योगदान होते. 

SATISH DHAWAN WAS CONSIDERED AS FATHER OF EXPERIMENTAL FLUID DYNAMICS RESEARCH IN INDIA.

      ते भारताच्या अंतराळ संशोधन कार्यक्रमाचे जनक विक्रम साराभाई यांच्यानंतर ISRO (Indian Space Research Organisation) चे 1972 साली अध्यक्ष झाले. त्यांना भारतातील प्रायोगिक fluid dynamics च्या संशोधनाचे जनक मानले जाते.

              त्यांचा जन्म श्रीनगरमधे 25 सप्टेंबर 1920 रोजी झाला. पंजाब विश्व विद्यालयातून त्यांनी भौतिकशास्त्रात B.A. डिग्री मिळवली. इंग्लिश मध्ये M.A.  केलं .1945 मध्ये B.E.(MECHANICAL ENGINEERING) .

      उच्च शिक्षणासाठी त्यांनी अमेरिकेला प्रयाण केले.1947-मिनेसोटा विश्वविद्यालय ,मिनीयापोलिस ,USA येथून  वैमानिक इंजिनीरिंग मध्ये M.S. , 1949 मध्ये  कॅलिफोर्निया इन्स्टिट्यूट ऑफ टेक्नॉलॉजी मधून वैमानिक इंजीनियरिंग, तेथेच 1951  मधे Ph.D.

       इंडियन इन्स्टिट्यूट ऑफ सायन्समध्ये 1951 मध्ये वरिष्ठ वैज्ञानिक अधिकारी म्हणून ते रुजू झाले .

त्यांनी ग्रामीण शिक्षण, Remote Sensing तसेच Satellite Communication च्या क्षेत्रात मुलभूत संशोधन केले. 

          डॉक्टर एपीजे अब्दुल कलाम यांनी सतीश धवन यांच्या विषयीची सांगितलेली एक आठवण म्हणजे लीडरशिप कशी असावी त्याविषयी त्यांच्याच शब्दात फोटोमध्ये  वाचा.

         त्यांच्या प्रयत्नांनी भारत INSAT - दूरसंचार उपग्रह, IRS - दूरसंवेद उपग्रह आणि PSLV - Polar Satellite Lanch Vehicle यासारखे प्रकल्प यशस्वी करू शकला.

त्यांच्या स्मरणार्थ श्रीहरीकोटा येथील उपग्रह प्रक्षेपण स्थळाचे सतीश धवन अंतराळ केंद्र असे नामकरण करण्यात आले.

सतीश धवन यांना 1971 मध्ये पद्मभूषण 

1981 मध्ये पद्मविभूषण

तसेच राष्ट्रीय एकात्मतेचा इंदिरा गांधी पुरस्काराने सन्मानित केले आहे .

3 जानेवारी 2002 रोजी त्यांचे निधन झाले.

🌺🌺🌺🌺🌺🌺🌺🌺

   🙏🏻    अष्टपैलू झुंजार पत्रकार : माधव गडकरी.(1928)

माधव गडकरी पत्रकारीतेत ज्येष्ठ आणि श्रेष्ठ म्हणूनच गणले जातात. एक झुंजार असे पत्रकार. त्यांचा जन्म 25 सप्टेंबर 1928 साली मुंबईत झाला.

           त्यांचे बालपण लेमिंग्टन रोडवरील टोपीवाला चाळीत गेले. माधव गडकरी यांनी मुंबई विद्यापीठातून B.A.ची पदवी मिळविली. 1945 ते 1955 निर्झर, क्षितीज ,निर्धार अशी स्वतःची नियतकालिके त्यांनी काढली .त्यानंतर 1955-1962 पर्यंत दिल्ली येथे आकाशवाणी मध्ये नोकरी केली. 

         1962 साली टाइम्स ग्रुपने महाराष्ट्र टाइम्स हे पहीले मराठी दैनिक सुरु केले, तेव्हा त्याचे पहीले संपादक होते द्वा. भ. कर्णिक. त्यांनी गडकऱ्यांना प्रथमच अश्या मोठ्या वृत्तपत्रात आणले, आणि गडकरी  महाराष्ट्र टाइम्सचे उप संपादक झाले.

          लोकसत्ता  ह्या सुप्रसीद्ध वृत्तपत्राशी स्पर्धा होती त्यांची.  तेथे सुमारे पाच वर्षे काम केल्यानंतर त्यांना गोव्यामध्ये 'गोमंतक' या प्रसिध्द वृत्त पत्रामध्ये काम करण्याची संधी मिळाली. तेथे काम करीत असताना माधव गडकरींनी  जेथे जेथे भ्रष्टाचार होता, खोटेपणा होता त्यावर प्रहार करण्यास सुरुवात केली. कधीच कोणाची खुषामत न करणार्या त्यांच्या लेखणीमधून राजकारणीही सुटले नाहीत. 

          सकाळ हे वृत्तपत्र डॉ. ना भि. परुळेकर यांनी प्रथम पुण्याला सुरु केले होते.  डॉ. परुळेकरांची इच्छा होती की सकाळ मुंबईतूनही प्रसीद्ध करावा. आणि गडकरींना ती एक सुवर्णसंधी मिळाली. १५ नोव्हेम्बर १९७६ या दिवशी गडकऱ्यांनी 'मुंबई सकाळ'चे संपादकपद स्वीकारले. 

         त्यावेळी सकाळच्या केवळ सात हजार प्रती छापल्या जात होत्या. परत 'लोकसत्ता' व 'महाराष्ट्र टाइम्स' या दोन बलाढ्य दैनिकांच्या स्पर्धेत मुंबई सकाळला स्वतःचे स्थान निर्माण करायचे होते. सकाळची सुत्रे हातात घेतल्यावर गडकरीनी  सकाळ या वृत्तपत्राचा  चेहरा मोहराच बदलून टाकला. संपादक व वाचक यांचा सुसंवाद घडवावा या हेतूने येथेच त्यांचे ' चौफेर ' सदर सुरु झाले. व त्यांची चौफेर नजर सर्वत्र फिरू लागली. 'चौफेर' सदरातून ते वाचकांशी रोज संवाद साधू लागले.  त्यांनी जेजे पाहीले होते, वाचले होते त्याचीच पेरणी गडकरींनी चौफेर मधून केली. आणि त्यांनी वाचकांना रोज सदर वाचण्याची सवय लावली. 

       1984 मध्ये माधव गडकरी  लोकसत्ताचे संपादक झाले.  अनेक विस्मृतीत गेलेल्यांना त्यांनी प्रकाशात आणले. यातूनच वसईच्या एका वृद्धाश्रमात पडून राहिलेल्या शांता हुबळीकर या दुर्लक्षित अभिनेत्रीला प्रकाशात आणून तिच्याकरिता फंड जमा केला, व तिचे आयुष्य सुसह्य केले.  

   माधवरावांनी अफाट लेखन केले. त्यांचे वाचनही तसेच अफाट होते. त्यांचे पार्ल्यातील घर संपूर्ण पुस्तकांनी आणि पारितोषिकांनी भरलेले होते. 

        पत्रकारीतेच्या निमित्ताने गडकऱ्यांनी जवळ जवळ सर्व देशभर तसेच साधारण  75% जगाचा प्रवास केला. त्यांच्या संपादकीय कारकीर्दीचा, लेखनाचा वेळोवेळी गौरव झाला. तसेच आचार्य अत्रे पुरस्कारासहीत विविध पुरस्कारांनी त्यांना सन्मानीत पण करण्यात आले. 

       1990 साली  पदमश्री पुरस्कार देऊन त्यांना सन्मानित करण्यात आले.

माधव गडकरींनी  सुमारे 38 पुस्तकांचे लेखन केलेले आहे. त्यामध्ये अष्टपैलू अत्रे ,असा हा महाराष्ट्र (भाग एक आणि दोन ),चौफेर (भाग 1 ते 4 ),दृष्टिक्षेप (भाग एक दोन तीन) माओ नंतरचा चीन, सभेत कसे बोलावे ,शेवटचे गांधी ,राजीव ते नरसिंह इत्यादी.

31 मे 2006 रोजी मुंबई येथे त्यांचे निधन झाले.

🌺🌺🌺🌺🌺🌺🌺🌺

                                              💐💐 संकलन 💐💐

                                                   श्री. भरत पाटील.