😊 प्रेरणादायी व्यक्तिमत्त्व : मधुबाला 😊

 💐 शतकातील सौंदर्यवती व सिनेनाईका : मधुबाला 💐

               

                 तिचा जन्म दिल्ली येथे 14 फेब्रुवारी 1933 मध्ये झाला.तिची घरची परिस्थिती अतिशय गरिबीची होती.तिला लहानपणी असणारी अभिनयाची आवड  तिचे वडील अताउल्ला यांनी ओळखली होती.पण घरातून तिने अभिनय क्षेत्रात जाणे याला विरोध होतो.तरीही वडील ठामपणे लेकीच्या पाठीशी उभे राहतात आणि ती बालकलाकार म्हणून चित्रपट सृष्टीत येते.ती मुलगी म्हणजे अद्भुत सौंदर्य लाभलेली अद्वितीय अभिनेत्री मुमताज उर्फ मधुबाला.                  

               'बॉम्बे टॉकीज  'हा मधुबालाचा पहिला चित्रपट.नंतर निलकमल,महल,आशा,कामिनी,हावडा ब्रिज,कालापाणी,मि अँड मिसेस फिफ्टी फाईव्ह, चलती का नाम गाडी यातील तिच्या खट्याळ,अवखळ भूमिका प्रचंड गाजल्या.अप्रतिम सौंदर्याबरोबर तिच्या अभिनयाचे श्रेष्ठत्व सुद्धा रसिकांना भावले.मधुबाला म्हणजे यश हे समीकरणच जणू त्यावेळी बनले होते.मुगल ए आझम यातील अनारकलीची  भूमिका मधुबाला ने अजरामर केली.बोलका।चेहरा,नजरेतील भावविशेष,मोहक हालचाली,आणि पद्मन्यासातील नजाकत यामुळे तिच्या भूमिका चिरस्मरणीय ठरल्या.                    एखादी गोष्ट जेव्हा एखाद्या क्षेत्रात मापदंड मानली जाते तेव्हा ती एखाद्या शतकात,द्विशतकात,एकमेव अशीच असते.

             गेल्या शतकात सौंदर्याचें मापदंड ठरलेलं एकच नाव आजही पिढ्यान पिढ्याच्या तोंडी ऐकायला मिळते ते म्हणजे मधुबाला.सुमारे 71 चित्रपटातून काम करणाऱ्या मधुबाला यांनी नायकांच्या नावावर चित्रपट चालतात ही संकल्पनाच आपल्या उत्तम अभिनयाने मोडीत काढली हे साधेसुधे काम नव्हते.'व्हीनस ऑफ इंडिया 'म्हणून गौरव झालेल्या या अभिनेत्रीचे भारतीय टपाल विभागाने टपाल तिकीट काढून तिचा सन्मान केला आहे.मधुबाला यांचे जीवन संघर्षमय होते यातून त्यांनी मेहनतीने मार्ग काढला.त्यांचे जीवन हेच सांगते तुम्ही संकटावर स्वार व्हा मार्ग काढा मग येणाऱ्या अनेक पिढ्या तुमची आठवण काढतात.

💐💐💐💐💐💐💐💐💐💐💐💐💐

                                       😊 संकलन 😊

                                     श्री. भरत पाटील.

😊 प्रेरणादायी व्यक्तिमत्त्व : मुंजाल बंधू.😊

 💐 हिरो या दुचाकी व चारचाकी उद्योग साम्राज्य संस्थापक : ब्रजमोहन, ओमप्रकाश, दयानंद व सत्यानंद मुंजाल. 💐

              

               त्यांचा जन्म पाकिस्तान देशातील होता .तरी त्यांची कर्मभूमी व मातृभूमी कायम भारत हीच राहिली.1944 साली ते भारतात अमृसरला आले.तेथे सायकलचे स्पेअर पार्ट विकताना अधिक व्यापार वाढवण्याच्या उद्देशाने त्यांनी शहर लुधियाना गाठले.तेथे सायकलचे स्पेसर पार्ट विकताना त्यांनी स्वतःचे हँडल व फोर्क बनवले.यातून गरिबांना परवडेल आणि त्यांचा प्रवास सुखाचा होईल अशी स्वदेशी विना इंधन सायकल बनवण्याचा विचार  त्यांच्या डोक्यात आला.1956 साली पंजाब सरकारने त्यांना सायकल बनवण्याचा परवाना दिला.यातून तयार झाली भारतातीलच नाही तर जगातील सर्वात मोठी सायकल कंपनी हिरो .आणि त्याचे मालक होते ब्रजमोहन, ओमप्रकाश, दयानंद,सत्यानंद मुंजाल.                                    

               हिरो सायकल लिमिटेड ही कंपनी सुरू झाल्यावर पहिल्या वर्षी त्या 639 सायकली बनवनारी कंपनी आज दिवसाला अठरा हजार पेक्षा अधिक सायकली बनवते.सुरुवातीला सहा लाख कर्ज घेऊन सुरू झालेला व्यापार 23 हजार कोटींवर पोहचला आहे.8 हजार पेक्षा अधिक कामगार येथे काम करतात. हिरो कंपनी फक्त सायकल उद्योगात नंबर एक राहिली असे नाही तर त्यांनी मोटर सायकल उद्योगात पाऊल टाकले आणि सारे काही बदलून गेले.जपानी कंपनी होंडा सोबत भागीदारी करून1985 ला हिरो होंडा ची पहिली गाडी CD100 बाजारात आली. त्यांच्या  स्प्लेनडर या दुचाकीने विक्रीचे सर्व रेकॉर्ड तोडले.आणि जगातील क्रमांक एकची टू व्हीलर कंपनी बनली.कालांतराने होंडा कंपनी हिरो पासून विभक्त झाली.पण हिरो कंपनीची जादू कायम राहिली.जगाच्या बाजारात उडी घेताना मुंजाल बंधूनी ग्राहक हाच कायम केंद्रस्थानी मानला.

            लोकांना जे आवडते ते कमी खर्चात आणि उत्तम दर्जा असणारे उत्पादन त्यांनी कायम पुरवले.बदलत्या काळानुसार आपल्या मॉडेल नुसार बदल केले *म्हणूनच ते आपले वर्चस्व टिकवू शकले. मुंजाल बंधूनी प्रवासाच्या क्षेत्रात सायकल हे असे माध्यम उपलब्ध करून दिले जे गरिबांना सहज घेता येईल.मुंजाल बंधू यांच्या अथक परिश्रमाचे फळ म्हणून इतक्या करोडो रूपयाचा व्यवसाय उभा राहिला.यातून  एकच शिकवण मिळते भागीदारीत उद्योग करताना एकी,एकमेकांवर विश्वास, योग्य कामाची विभागणी,आर्थिक शिस्त यातून उद्योगात तुम्ही नक्की यशस्वी होता.

💐💐💐💐💐💐💐💐💐💐💐💐💐

                                       😊 संकलन 😊

                                         श्री. भरत पाटील.

😊 प्रेरणादायी व्यक्तिमत्त्व : दिलीपकुमार 😊

 💐 अभिनयाचा बादशहा, ट्रेजेडी किंग,पदमविभूषण : दिलीपकुमार 💐

        

              आताच्या पाकिस्तान देशातील पेशावर उत्तर मध्ये त्याचा जन्म 11 डिसेंबर 1922 मध्ये झाला.वडील लाला गुलाम सरवार हे फळांचा धंदा करत होते.पुढे देशाची फाळणी झाली आणि तो वडिलांबरोबर मुंबई या मायनगरीत आला.वडिलांबरोबर फळे विकायचा व्यवसाय करतो.या व्यवसायात तोटा सहन करावा लागतो.पुणे येथे कॅन्टीन मध्ये काम करत असताना देविका राणी त्याला पाहतात.त्याच्यातील अभिनेत्याचे गुण ओळखतात.त्याला चित्रपटात काम करण्याची संधी मिळते.मग  मात्र तो मुलगा वळून पहात नाही.सुमारे 5 दशके तो भारतीय चित्रपट सृष्टीवर अधिराज्य गाजवतो तो महान कलाकार म्हणजे मुहम्मद युसूफ खान ऊर्फ दिलीपकुमार.         

                 दिलीपकुमार यांच्या अभिनयाने फक्त भारतातच नाही तर परदेशातही भुरळ घातली.त्यांच्या या अभिनयाचा सन्मान म्हणून त्यांना पदमभूषण,पदमविभूषण,यासारखे पुरस्कार मिळाले.भारतीय चित्रपट सृष्टीतील सर्वात मानाचा समजला जाणारा दादासाहेब फाळके पुरस्कार देऊन दिलीपकुमार यांना गौरविण्यात आले आहे.शोकांतिका किंवा शोकांतिक भूमिकांमुळे त्यांना ट्रॅजेडी किंग म्हणून ओळखले जाते.                                        

            1944 साली ज्वार भाटा हा त्यांचा पहिला चित्रपट पुढे ,आन,अमर,अंदाज, दाग,देवदास,फुटपाथ,सौदागर, मुगल ए आझम,शक्ती,मशाल,क्रांती,यांसारख्या चित्रपटातून त्यांची जादू कायम राहिली.आपल्या पाच दशकाहूनही अधिक चित्रपट  काळात त्यांचे 65 हून अधिक चित्रपट प्रदर्शित झाले.सर्वोत्कृष्ट अभिनेत्याचा 8 वेळा पुरस्कार मिळवणारे दिलीपकुमार यांनी फळे विकून,कॅन्टीन मध्ये काम करून ,जीवनातील संघर्ष चालू ठेवला. पण ते हरले नाही ,किंवा मागे हटले नाही.त्यांच्या जीवनाकडे पहाताना हेच शिकायचे की परिस्थिती आपल्या  अपार मेहनतीने आपल्या समोर गुडघे टेकवून उभी राहते.अशावेळी तुम्ही केलेल्या अतितीव्र संघर्षाचे चीज झालेले असते.

💐💐💐💐💐💐💐💐💐💐💐💐💐

                                       😊 संकलन 😊

                                        श्री. भरत पाटील.

😊 प्रेरणादायी व्यक्तिमत्त्व : विल्यम शेक्सपिअर 😊

 💐 इंग्रजी साहित्याचा जनक,जगप्रसिद्ध नाटककार व कवी : विल्यम शेक्सपिअर 💐

              

             इंग्लड देशातील वार्वीकशायर मधील स्ट्रटफोर्ड अपॉंन अँव्हन येथे त्याचा जन्म 26  एप्रिल 1564 मध्ये झाला.त्याचे वडील जॉन व्यापारी तर आई मेरी गृहिणी होती.वयाच्या सातव्या वर्षी त्याची शाळा सुरू होते.त्या काळी लॅटिन ही प्रमुख भाषा शिकणे गरजेचे असले तरी तो इंग्रजी फ्रेंच,इटालियन या भाषावर उत्तम  प्रभुत्व मिळवतो.वयाच्या 13 व्या वर्षी त्याच्या वडिलांचे निधन होते. इतक्या लहानपणी त्याच्यावर कुटुंबाची व्यवसायाची जबाबदारी येते आणि त्याचे शिक्षण बंद होते.त्याला लहानपणी असणारी नाटकाची आवड जोपासता यावी म्हणून तो गाव सोडून शहरात येतो.तेथे नाटकाचे बारकावे शिकतो.त्यात तो इतकी अच्युत्य दर्जाची नाटके लिहतो की ती नाटके अजरामर होतात हे लेखन करणारा तो मुलगा म्हणजे महान नाटककार म्हणजे शेक्सपिअर उर्फ फादर ऑफ ड्रामा.          

            शेक्सपिअर यांची नाटके,काव्ये अजरामर झाली तर शोकांतिका प्रचंड गाजल्या.त्याचा मराठी साहित्यावरही प्रभाव पडला. काव्य प्रकारात सुनीत तर कल्पनारम्य, शोकांतिका, ऐतिहासिक नाटके हे त्यांच्या नाटकाचे मुख्य वैशिष्ट्ये होते.जगातील सर्व भाषांत त्यांचे साहित्य अनुवादित झाले यावरून त्यांच्या लेखणीची ताकद समजते. अ लहर्स कॅम्पप्लेट,द पॅशनेट प्लिग्रीम,ही काव्ये,रोमिओ अँड ज्युलिएट ही कोवळ्या प्रेमाची कहाणी,ज्युलिएअ सीझर,या शोकांतिका, हॅम्लेट,किंग लिअर,मॅकबेथ,ही  नाटके अशा साहित्य कृती त्यांच्या प्रचंड गाजल्या.मराठी भाषेतील किंग लिअर वर अनुवादित झालेली *नटसम्राट* ही शोकांतिका अफाट लोकप्रिय झाली.                                                       आपल्याच माणसांकडून विश्वासघात,दगाफटका,कपट कारस्थाने, सूड,मत्सर, व्यभिचार, राक्षसी वृत्ती,प्रचंड महत्वकांक्षा यांचे विक्राळ दर्शन त्यांच्या नाटकातून जसे घडले तसे मानवी मूल्ये,नियती,ईश्वरी न्याय, मृत्यूचे चिंतन यांचेही दर्शन घडले.चार शतके होत आली तरी शेक्सपिअर तितकाच आजही लोकप्रिय आहे.स्वतःतील उत्तमाचा शोध त्याने घेतला,त्यासाठी एकाग्र राहिला,त्याला काय करायचे आहे हे त्याला पक्के माहीत होते म्हणून तो नाटककार, कवी म्हणून एक दीपस्तंभ बनून राहिला.

💐💐💐💐💐💐💐💐💐💐💐💐💐

                                       😊 संकलन 😊

                                        श्री. भरत पाटील.

😊 प्रेरणादायी व्यक्तिमत्त्व : कर्नल हरलैड डेव्हिड सैंडर्स 😊

 💐 KFC या आंतरराष्ट्रीय खाद्यपदार्थ कंपनीचे संस्थापक ,प्रचंड मेहनती व जिद्दी : कर्नल हरलैड डेव्हिड सैंडर्स 💐

                 

              अमेरिकेतील हेनरीविलले इंडियाना येथे त्याचा जन्म16 डिसेंबर 1880 मध्ये झाला.वयाच्या पाचव्या वर्षी त्याचे वडिलांचे छत्र हरपते.तो सैरभैर होतो.अकाली जबाबदारीचे ओझे  त्याच्यावर येते.सातव्या वर्षी तो काही स्वयंपाक करायला शिकतो.17 व्या वर्षी हातातील 4 नोकऱ्या जातात.सेल्समन, टायर विकणे,फेरी बोट चालवणे, रेल्वेच्या वाफेच्या इंजिनवर काम करणे अशी कामे तो  उपजीविकेचे साधन म्हणून करू लागतो.अगदी वयाच्या 40 व्या वर्षी कुकिंग चे काम करतो.पुढे वय वाढत जाते हातपाय थकतात.तो उपजीविकेसाठी धपडत असतो. पण त्याचे मन तरुण असते.त्याला उत्तम चिकन बनवता येत असते.मग त्याच्या मनात विचार चमकतो  तेच चिकन आपण लोकांना विकू शकतो. आणि वयाच्या 63 व्या वर्षी तो स्वतःचे रोडसाइड हॉटेल केंटकी शहरात चालू करतो.त्याच्या चिकनच्या चवीवर लोक फिदा होता.मग तो मागे वळून पहात नाही.त्या हॉटेलच्या जगाच्या 136 देशात 22,621 शाखा होतात.ते प्रसिद्ध हॉटेल म्हणजे Kentacky Fried Chicken म्हणजेच KFC.आणि हे सगळे यश मिळवणारा तो मुलगा म्हणजे कर्नल हरलैड डेव्हिड सैंडर्स.                                 चिकन रेसिपीवर सारखे प्रयोग करून कर्नल यांनी स्वतःची एक वेगळी चविष्ट रेसिपी तयार केली.ती घेऊन त्यांनी अनेक गल्ल्या ,हॉटेल पालथी घातली.माझे चिकन चाखून पहा पण सगळीकडे नकार मिळाला.इतके नकार पचवून ते थकले नाही One More Time म्हणत लढत राहिले.शेवटी यश मिळाले पहिला होकार आला. हरमन या हॉटेल व्यसायिकाने त्यांना संधी दिली आणि KFC चिकन चे साम्राज्य उभे राहिले.                                                     आपल्या KFC कंपनीची प्रचंड  लोकप्रियता पाहून त्यांनी तिचे फ्रंचायशी हक्क त्यांनी 2 मिलीयन डॉलर ला विकले.पण शेवटपर्यंत फाउंडर  मेंबर तेच राहतील असा करार झाला.पिझ्झा हट,टॅको बेल,विंग स्ट्रीट, ह्यांची KFC बरोबर भागीदारी आहे.मॅक्डोनाल्ड नंतर जगात दुसऱ्या क्रमांकाची रेस्टॉरंट साखळी KFC ची आहे.कर्नल यांना माझे चिकन जगात सर्वोत्तम आहे हे आणि ते लोकांना खायला घालायचे आहे हा ध्यास होता.तरुण वयात व्यवसायात रिस्क घ्यायला भलेभले लोक तयार होत नाही पण वयाची 62 वर्ष लोटली असताना व्यवसाय सुरू करून इतका यशस्वी करणे साधी गोष्ट नाही.कर्नल यांच्या जीवनाकडे पाहताना हाच संदेश मिळतो की तुम्हाला मोठे होण्यासाठी तुमचे वय आडवे येत नाही.तुमच्यातील सर्वोत्तम काय आहे याचा शोध तुम्हाला एकदा लागला की यश तुमच्या मागे येतेच येते.

💐💐💐💐💐💐💐💐💐💐💐💐💐

                                      😊 संकलन 😊

                                         श्री भरत पाटील.

😊 प्रेरणादायी व्यक्तिमत्त्व : टेसी थॉमस 😊

 💐 भारताची प्रथम मिसाईल वुमन ,महान वैज्ञानिक : टेसी थॉमस 💐

         

             केरळ राज्यातील अलाप्पूझा येथे तिचा जन्म1964 साली झाला.वडील आय.एफ.एस अधिकारी तर आई शिक्षिका.ती थुंबा रॉकेट व मिसाईल लाँचिंग स्टेशनजवळ मोठी होते.यातून तिला लहानपणीच रॉकेट चे आकर्षण असते. घरात सगळे कसे आनंदी वातावरण पण एक दिवस तिच्या वडिलांना पक्षघाताचा झटका येतो सगळे कसे कोलमडून पडते.तिची आई जिद्दीने उभी राहते.हिच्यासह बरोबरीच्या चारही बहिणींना चांगले शिक्षण देते. तिला लहानपणापासून गणित व भौतिकशास्त्र हे विषय प्रचंड आवडत असे.ती मुळातच हुशार असते स्टेट बँक ऑफ इंडिया कडून दरमहा 100 रुपये कर्ज घेऊन ती बी.टेक एम टेक,डिफेन्स ऍडव्हान्स टेकनोलॉजी सारखे उच्च शिक्षण घेते.मग भारताच्या संरक्षण संशोधन व विकास संस्थेत(DRDO )देशसेवा करताना स्वतःच्या कामाचा असा काही अत्युच्य बिंदू गाठते की ती मुलगी भारताची पहिली मिसाईल वूमन म्हणून ओळखली जाते.ती मुलगी म्हणजे महान भारतीय शास्त्रज्ञ टेसी थॉमस.                       

            टेसी यांनी भारतीय विज्ञान व संशोधन क्षेत्रात जे अनमोल संशोधन केले त्याचा गौरव म्हणून त्यांचा लाल बहाद्दूर शास्त्री नेशन अवार्ड,कल्पना चावला,सुमन शर्मा,मिसाईल वैज्ञानिक, इंडियन ऑफ द इयर,वूमन ऑफ द ईअर  यासारखे अनेक पुरस्कार प्रदान करण्यात आले आहे.पंतप्रधान डॉ.मनमोहन सिंग यांनी  'भारतीय वैज्ञानिक रत्न'ही उपाधी त्यांना दिली आहे.                                            अग्नी3,अग्नी4,त्रिशूल,नाग,अग्नी,ब्रम्होस,या मिसाईल निर्मितीत डॉ. अब्दुल कलाम यांच्या बरोबर मोठे संशोधन केले.अग्नी 5  मिसाईलच्या पहिल्या भारतीय महिला संचालक म्हणून संपूर्ण जबाबदारी त्यांनी पार पाडली. 5000 किमीची मारा करण्याची क्षमता असणारे मिसाईल त्यांनी तयार केले.तेव्हापासून त्यांना भारताच्या मिसाईल वूमन म्हटले जाऊ लागले.महिंद्रा ग्रुप चे चेअरमन आनंद महिंद्रा टेसी यांच्या बद्दल असे म्हणतात 'की कोणत्याही भारतीय अभिनेत्री पेक्षा टेसी या अधिक प्रसिद्ध हव्या होत्या.शिवाय  देशातील प्रत्येक शाळेत त्यांचा फोटो हवा यातून हजारो मुलींना प्रेरणा मिळेल.टेसी थॉमस यांनी आपल्या अलौकिक बुद्धिमतेच्या,मेहनतीच्या चिकाटी, व प्रतिभेच्या जोरावर भारत देशासाठी इतके मोठे काम उभे केले त्यांचे जीवन आपल्याला पदोपदी हेच सांगत राहते की आपल्याकडे  असलेल्या बुद्धिमत्तेचा उपयोग दुसऱ्याच्या हितासाठी करा,यातून मिळणारा आंनद व सुख चिरकाल मनशांती देणारे असते.

💐💐💐💐💐💐💐💐💐💐💐💐💐

                                      😊 संकलन 😊

                                        श्री. भरत पाटील.

😊 प्रेरणादायी व्यक्तिमत्त्व : आनंद महिंद्रा 😊

 💐 देशभर 'महिंद्रा अँड महिंद्रा चे साम्राज्य उभारणारा जिद्दी व संवेदनशील उद्योगपती : आनंद महिंद्रा.💐

            महाराष्ट्र राज्यातील मुंबई सारख्या माया नगरीत त्याचा जन्म 1 मे 1955 मध्ये उद्योगपती कुटुंबात  झाला.वडील हरिष तर आई इंदिरा यांचे त्याच्या शिक्षणाकडे जातीने लक्ष होते.तो हॉवर्ड विद्यापीठात पदवी घेतो तर पुढे एम.बी.ए चे शिक्षण पूर्ण करतो.तो मुलगा मग भारतात येतो.स्वतःच्या वडिलोपार्जित व्यवसायात कार्यकारी सहाय्यक बनतो. आपल्या स्वतःच्या वेगळ्या कार्यशैलीने तो त्या व्यवसायाचा प्रमुख बनतो.मग प्रचंड झेप घेत ती कंपनी 15 हजार अरब डॉलर मूल्य असणारी कंपनी बनते.त्यात सोळा हजार पेक्षा अधिक कामगार काम करू लागतात.ती कंपनी म्हणजे महिंद्रा अँड महिंद्रा लिमिटेड आणि हे कंपनी साम्राज्य उभा करणारा तो मुलगा म्हणजे द ग्रेट पर्सन आनंद हरिष महिंद्रा.   

            पंजाब मधील लुधियाना येथून एक स्टील कंपनी म्हणून जगदीश चंद्र महिंद्रा यांनी सुरू केलेल्या कंपनीचे इतके मोठे जाळे तयार झाले ते आनंद महिंद्रा यांच्या कल्पक बुद्धिमत्तेमुळे. आनंद यांच्या सामाजिक व औद्योगिक  कार्याचा गौरव म्हणून त्यांना पदमविभूषण,फ्रान्सचा ऑर्डर ऑफ मेरिट,राजीव गांधी पुरस्कार,अमेरिकेतील इंडिया फाउंडेशन कडून पर्सन ऑफ इयर व लीडरशीप अवार्ड,आशिया बिझनेस लीडर,इकॉनॉमीक टाईम्स अवार्ड यासारखे अनेक सन्मान मिळाले.जपान क्वालिटी मेडल,डेमिंग अवार्ड जिंकणारी जगातील एकमेव कंपनी म्हणजे महिंद्रा.महिंद्रा ट्रॅक्टर,बोलेरो, कमांडर,मॅक्स,स्कॉर्पिओ, जायलो, रेनॉल्ड लोगान,SUV300,XUV500 ही गाड्यामधील महिंद्रा ची उत्पादने प्रचंड लोकप्रिय झाली.कोटक महिंद्रा बँक,महिंद्रा डिफेन्स, टू व्हीलर लिमिटेड, एज्युकेशन, फायनान्स,या सारख्या अनेक क्षेत्रात महिंद्रा कंपनी यशस्वी ठरली आहे. 

           कार्यक्षम व्यवस्थापन आणि नेतृत्वात जागतिक उद्दिष्टे व यश मिळवण्यासाठी काही निश्चित निकष पूर्ण करणारी महिंद्रा ही मोजक्या कंपन्यांपैकी एक कंपनी आहे.भारतातील अनेक मुली शिकाव्यात,त्यांचे अर्धवट शिक्षण सुटू नये म्हणून आनंद महिंद्रा यांनी नन्ही कली 'नावाने सुरू केलेला उपक्रम NGO आज लाखो मुलींच्या शिक्षणाला दिशा देत आहे.भारतीय लोकांच्या अनेक प्रश्नांशी समरस झालेले महिंद्रा प्रचंड संवेदनशील आहेत.महिंद्रा यांनी आपल्या क्षेत्रात इतके उत्तुंग यश मिळवले तरी या माणसाची संवेदनशीलता आपत्ती काळात पदोपदी जाणवते.आनंद महिंद्रा यांच्या आयुष्याकडून आपल्याला हा धडा मिळतो की तुमच्या पूर्वजांनी तुमच्यासाठी जे वैभव उभे केलेले  आहे ते तुम्हाला टिकवता आले पाहिजे त्यात भर घालता आली पाहिजे.तरच तुम्ही पूर्वजांच्या पुण्याईचे हकदार बनता.

💐💐💐💐💐💐💐💐💐💐💐💐💐

                                      😊 संकलन 😊

                                         श्री भरत पाटील.