😊 प्रेरणादायी व्यक्तिमत्त्व : लता मंगेशकर .😊

💐 आपल्या जादुई आवाजाने गेल्या आठ दशकं रसिकांच्या हृदयावर अधिराज्य गाजविणाऱ्या,गानसम्राज्ञी, भारतरत्न : श्रीम. लतादीदी .💐

                   मध्यप्रदेश राज्यातील इंदौर मध्ये तिचा जन्म 28 सप्टेंबर 1929 मध्ये झाला.गायक असणाऱ्या वडिलांनी,आणि गृहिणी असणाऱ्या आईने तिच्यासह सर्व भावंडावर उत्तम संस्कार केले.तिच्यासह चार बहिणी ,एक भाऊ असे मोठे कुटूंब.तिच्या वडिलांचे गायक आणि नाटकाची आवड यामुळे कुटूंबाचा गाडा चालत होता. पुढे ते कुटुंब महाराष्ट्रात आले.ती 13 वर्षाची असताना तिच्या वडिलांचे निधन होते.ती घरात सगळ्यात मोठी असते.लहान भावंडांची सगळी जबादारी तिच्यावर येते. वडिलांनी शिकवलेले गाणे हाच तिच्यासाठी कुटूंब चालवण्याचा पर्याय असतो.ती कोलमडून न जाता वयाच्या 13 व्या वर्षी गाण्यासाठी स्टेजवर उभी राहते.ती आपल्या जादुई आवाजाने जगाला मोहिनी घालते तीहजारो गाणी गाते. ती मुलगी म्हणजे भारताची गानकोकिळा 'लता दिनानाथ मंगेशकर.'

                  गेली आठ दशके भारतीयांच्या मनावर अधिराज्य करणाऱ्या, सुरेल आवाजाची दैवी देणगी लाभलेल्या लतादीदींना दादासाहेब फाळके,भारतरत्न पदमश्री,पदमविभूषण, राजीव गांधी,महाराष्ट्र भूषण,नॅशनल फिल्म  अवार्ड,यांसारखे असंख्य मानाचे पुरस्कार मिळाले. अनेकदा फ्लिमफेअर पुरस्कार मिळवणाऱ्या एकमेव गायक म्हणजे लतादीदी. गिनीज बुक ऑफ वर्ल्ड रेकॉर्ड ने त्यांचा विशेष सन्मान केला आहे.    

            दिदींचा मंगळागौर या पहिल्या चित्रपटापासून सुरू झालेला प्रवास हेमंत कुमार,महेंद्र कपूर,मोहम्मद रफी,मन्ना डे,आर डी बर्बन अशा महान संगीतकारांच्या गाणे गाण्यापर्यंत कधी आला हे समजलेच नाही. नागीण,प्रेमरोग,सत्यम शिवम सुंदरम, अमरप्रेम, पाकीजा, बरसात,अनारकली, मुगले आझम या चित्रपटातील दिदींची गाणी अजरामर झाली. 'ये मेरे वतन के लोगो ' हे गाणे पाणावलेल्या डोळ्यांनी लोकांनी ऐकले ती त्यांच्या आवाजाची ताकद होती. आशा, उषा, मीना, ह्रदयनाथ या भावंडाची जबादारी घेणाऱ्या दिदी कुणाला रडवत रहातात तर कुणाला ठामपणे उभे राहण्याची जिद्द देतात. मूळ हर्डीकर नाव बदलून गावाचा अभिमान म्हणून मंगेशकर झालेल्या दिदींना इतके सन्मान मिळाले पण त्यांचे पाय कायम जमिनीवरच राहिले. आभाळाइतके कर्तृत्व गाजवणाऱ्या दिदी,सर्वात जास्त गाणी रेकॉर्ड करणाऱ्या दिदी, ज्यांच्या सुंदर आवाजावर संशोधन झाले त्या दिदींचे  जीवन हेच सांगते की जी कला येते त्या कलेवर अफाट प्रेम करा.त्यासाठी वाटेल ते कष्ट उपसा. मगच त्यात तुम्हाला अढळ पद प्राप्त होते. असे पद की त्या जागेवरून तुम्हाला कुणी उठ म्हणून शकत नाही.

            गेल्या कित्येक दिवसांपासून लतादीदींचे प्रकृती स्वास्थ्य ठीक नव्हते.रविवार , दि 6 फेब्रुवारी,2022 रोजी वयाच्या 93 व्या वर्षी मुंबईच्या ब्रीच कँडी रुग्णालयात निधन झाले.एक अतुलनीय भारतरत्न हरपले.परमेश्वर त्यांच्या आत्म्यास चिरशांती देवो, हीच प्रार्थना !💐

💐💐💐💐💐💐💐💐💐💐💐💐💐💐💐

                                        😊 संकलन 😊

                                         श्री. भरत पाटील.

😊 विज्ञान जगत : मूलद्रव्यांची यादी व त्यांच्या संज्ञा.😊

💐सामान्य ज्ञान / विज्ञान जगत : मूलद्रव्यांची यादी व त्यांच्या संज्ञा.💐

 

अनु क्र.             नाव                              सूत्र

1.         हायड्रोजन (Hydrogen)             H

2.        हेलियम (Helium)                    He

3.        लिथियम (Lithium)                   Li

4.        बेरिलियम (Beryllium)             Be

5.        बोरॉन (Boron)                           B

6.        कार्बन (Carbon)                         C

7.        नायट्रोजन  (Nitrogen)               N

8.       ऑक्सिजन (Oxygen)                  O

9.        फ्लोरिन  (Fluorine)                  F

10.      निऑन  (Neon)                       Ne

11.       सोडियम (Sodium)                 Na

12.      मॅग्नेशियम (Magnesium)        Mg

13.      अॅल्युमिनियम (Aluminium)   Al

14.      सिलिकॉन (Silicon)                  Si

15.      फॉस्फरस (Phosphorus)          P

16.      सल्फर  (Sulfur)                      S

17.      क्लोरीन (Chlorine)                 Cl

18.      आरगॉन  (Argon)                    Ar

19.      पोटॅशियम (Potassium)            K

20.      कॅल्शियम  (Calcium)             Ca

21.       स्कॅन्डियम (Scandium)         Sc

22.       टायटेनियम (Titanium)          Ti

23.       व्हेनेडियम (Vanadium)           V

24.       क्रोमियम (Chromium)           Cr

25.       मॅंगेनीज (Manganese)          Mn

26.       लोखंड (Iron)                         Fe

27.        कोबाल्ट  (Cobalt)                  Co

28.       निकेल  (Nickel)                    Ni

29.       तांबे  (Copper)                      Cu

30.      जस्त  (Zinc)                           Zn

31.       गॅलियम (Gallium)               Ga

32.      जर्मेनियम (Germanium)      Ge

33.      आर्सेनिक  (Arsenic)              As

34.       सेलेनियम  (Selenium)         Se

35.       ब्रोमीन  (Bromine)               Br

36.       क्रिप्टॉन (Krypton)               Kr

37.       रुबिडियम (Rubidium)        Rb

38.       स्ट्रॉन्शियम  (Strontium)      Sr

39.        इट्रियम  (Yttrium)               Y

40.       झिर्कोनियम (Zirconium)      Zr

41.       नायोबियम (Niobium)           Nb

42.       मॉलिब्डेनम (Molybdenum)  Mo

43.       टेक्नेटियम (Technetium)      Tc

44.        रूथेनियम (Ruthenium)      Ru

45.       ऱ्होडियम (Rhodium)             Rh

46.       पॅलॅडियम (Palladium)          Pd

47.       चांदी  (Silver)                       Ag

48.      कॅडमियम  (Cadmium)          Cd

49.      इंडियम (Indium)                   In

50.      कथील (Tin)                           Sn

51.       अॅंटिमनी (Antimony)         Sb

52.       टेलरियम (Tellurium)           Te

53.       आयोडीन (Iodine)                  I

54.        झेनॉन (Xenon)                    Xe

55.        सीझियम (Cesium)              Cs

56.       बेरियम (Barium)                 Ba

57.       लॅंथेनम  (Lanthanum)        La

58.       सेरीयम  (Cerium)                 Ce

59.प्रासिओडायमियम (Praseodymium) Pr

60.   नियोडायमियम (Neodymium)   Nd

61.     प्रोमेथियम  (Promethium)     Pm

62.      समारियम (Samarium)         Sm

63.      युरोपियम  (Europium)          Eu

64.      गॅडोलिनियम (Gadolinium)    Gd

65.      टर्बियम (Terbium)                 Tb

66.     डिस्प्रोझियम (Dysprosium)    Dy

67.     होल्मियम  (Holmium)           Ho

68.    अर्बियम  (Erbium)                 Er

69.     थूलियम  (Thulium)             Tm

70.     इट्टरबियम  (Ytterbium)          Yb

71.      लुटेटियम (Lutetium)            Lu

72.      हाफ्नियम  (Hafnium)           Hf

73.     टॅन्टॅलम (Tantalum)              Ta

74.     टंगस्टन  (Tungsten)               W

75.     ऱ्हेनियम  (Rhenium)              Re

76.    ऑस्मियम (Osmium)                Os

77.     इरिडियम (Iridium)                 Ir

78.    प्लॅटिनम (Platinum)                Pt

79.    सोने  (Gold)                            Au

80.   पारा (Mercury)                       Hg

81.    थॅलियम (Thallium)                 Tl

82.    शिसे (Lead)                            Pb

83.    बिस्मथ (Bismuth)                   Bi

84.    पोलोनियम (Polonium)            Po

85.    एस्टाटाइन (Astatine)               At

86.   रेडॉन (Radon)                         Rn

87.   फ्रान्सियम (Francium)             Fr

88.   रेडियम (Radium)                    Ra

89.   अॅक्टिनियम (Actinium)          Ac

90.   थोरियम (Thorium)                   Th

91.    प्रोटॅक्टिनियम (Protactinium)   Pa

92.   युरेनियम (Uranium)                  U

93.   नेप्चूनियम (Neptunium)          Np

94.   प्लुटोनियम (Plutonium)           Pu

95.   अमेरिसियम (Americium)       Am

96.   क्यूरियम  (Curium)                 Cm

97.   बर्किलियम (Berkelium)           Bk

98.  कॅलिफोर्नियम (Californium)       Cf

99.  आइन्स्टाइनियम  (Einsteinium)   Es

100. फर्मियम (Fermium)                 Fm

101.  मेंडेलेव्हियम (Mendelevium)  Md

102. नोबेलियम  (Nobelium)             No

103.  लॉरेन्सियम (Lawrencium)       Lr

104.  रुदरफोर्डियम (Rutherfordium) Rf

105.  डब्नियम (Dubnium)                Db

106.  सीबोर्जियम (Seaborgium)        Sg

107.  बोहरियम (Bohrium)                Bh

108.  हासियम (Hassium)                  Hs

109.  माइट्नरियम (Meitnerium)       Mt

110.  डार्मस्टॅटियम (Darmstadtium)  Ds

111.   रेन्ट्जेनियम (Roentgenium)     Rg

112.  कोपर्निसिअम  (Copernicium)  Cn

113.  निहोनियम (Nihonium)            Nh

114.  फ्लेरोव्हियम  (Flerovium)          Fl

115.  मॉस्कोव्हियम (Moscovium)      Mc

116.  लिव्हरमोरियम  (Livermorium) Lv

117.  टेनिसीन (Tennessine)              Ts

118.  ऑगॅनेसॉन (Oganesson)           Og

💐💐💐💐💐💐💐💐💐💐💐💐💐💐💐

                                      😊 संकलन 😊

                                      श्री. भरत पाटील.

😊 प्रेरणादायी व्यक्तिमत्त्व : बिल गेट्स.😊

💐 मायक्रोसॉफ्ट संगणकीय कंपनीचा मालक,सतत 11 वर्षे जगातील सर्वांत श्रीमंत व्यक्ती , दानशूर व्यक्तिमत्त्व : बिल गेट्स.💐

                अमेरिकेतील वॉशिंग्टन मधील सिएटल येथे त्याचा जन्म 28 ऑक्टोबर, 1955 मध्ये झाला.शाळेत शिकवत असलेल्या विषयात त्याचे फारसे मन रमत नव्हते.पण गणित आणि विज्ञान हे त्याचे आवडीचे विषय.शाळेत आणि कॉलेजमध्ये तो तासनतास संगणक खोलीत काहीतरी करत  बसायचा .बँकिंग मध्ये असणाऱ्या आईला त्याने त्यात करिअर करावे असे वाटे. वकिल असणाऱ्या वडिलांना तो मोठा वकिल व्हावे असे वाटे.पण त्याला या सगळ्यात काडीचा रस नव्हता.तो मुलगा लहान वयातच कंपनी स्थापन करतो. पुढे ती कंपनी जगातील संगणक प्रणाली तयार करणारी प्रथम क्रमांक ची कंपनी बनते.त्यात सुमारे 24000 हजार पेक्षा अधिक कामगार काम करू लागतात.आणि तो मुलगा सलग 11 वर्षे  जगातील सर्वात श्रीमंत माणूस बनतो.ती कंपनी म्हणजे मायक्रोसॉफ्ट.आणि ती कंपनी स्थापन करणारा तो मुलगा म्हणजे बिल गेट्स.मायक्रोसॉफ्ट च्या जागतिक साम्राज्याचा एक अनभिषिक्त सम्राट.   

             बिल आणि त्याचा कंपनी भागीदार पॉल ॲलन यांच्या डोक्यात अफलातून कल्पना येत असे .आय. बी. एम कोम्पॅक,डेल, डी. ई.सी या संगणक कंपन्याचे असे म्हणणे होते की हार्डवेअर ला अधिक महत्त्व द्यावे पण बिल चे म्हणणे असे होते की सॉफ्टवेअर अधिक महत्त्वाचे आहे. हीच नस ओळखून बिलची  कंपनी आगळीवेगळी ठरली.गेट्स या संगणक युगात आले आणि सारे काही त्यांनी बदलून टाकले. ग्राहक  प्रथम स्थानी मानून त्यांनी आपली अनेक सॉफ्टवेअर तयार केली.आज जगात जेवढे डेस्क टॉप संगणक वापरले जातात त्यात 80 टक्के विंडो सॉफ्टवेअर वापरले जाते.याशिवाय जगभरात खाजगी संगणकात मायक्रोसॉफ्ट चे सॉफ्टवेअर  वापरले जाते.   

                बिल गेट्स त्यांच्या सामाजिक कार्यासाठी प्रसिद्ध आहे.बिल गेट्स व मेंडीला गेट्स फाउंडेशन आपल्या मिळणाऱ्या संपत्तीचा अर्धा हिस्सा दरवर्षी गोरगरिबांना दान करते.त्यांच्या याच कार्यामुळे  भारत सरकारच पद्मभूषण सन्मान त्यांना मिळाला आहे.याशिवाय बोवेर अवार्ड,जेफर्सन अवार्ड ही त्यांना मिळाले आहे.जेवणानंतर स्वतःचे ताट स्वतः धुणाऱ्या या जगातील सर्वात श्रीमंत अवलीयाने microsoft, microsoft excel यासारखी नवनवी तंत्रे शोधून माहिती तंत्रज्ञान क्षेत्रात जगतमान्यता मिळवली. बिल गेट्स आपल्याला जणू हेच सांगत राहतात सतत नाविन्याचा ध्यास घ्या.एक कल्पना यशस्वी झाली तर त्या यशात दंग न होता पुढे जात रहा.कारण थांबते ते डबके , आणि वाहतो तो झरा.म्हणून आपल्या स्वप्नांना कल्पनांना सतत प्रवाही ठेवा.

💐💐💐💐💐💐💐💐💐💐💐💐💐💐💐

                                           😊 संकलन😊

                                        श्री. भरत पाटील.

😊 प्रेरणादायी व्यक्तिमत्त्व : नीरज चोपडा .😊

💐टोकियो ऑलिम्पिक 2021 मध्ये भारताला भालाफेकीत पहिले सुवर्णपदक जिंकून देऊन इतिहास रचणारा महान खेळाडू : नीरज चोपडा.💐

         हरियाणा राज्यातील पानिपत येथील खंडरा हे त्याचे गाव. वडील सतीश कुमार व आई सरोज देवी यांच्या पोटी त्याचा जन्म 24 डिसेंबर 1997 साली झाला. घरी एकत्र कुटूंब पद्धती यातच तो  मोठा होत होता. मोबाईल वर भालाफेकी खेळाचे व्हिडीओ पाहून आपणही असे काहीतरी करावे असे त्याला वाटे. मग मोठा झाल्यावर गावापासून 17 किलोमीटर दूर तालुक्यातील मैदानावर सरावासाठी तो जाऊ लागला.सुरुवातीला चांगला भाला घ्यायला पैसे नसायचे मग 5 हजार ते 7 हजारपर्यंत चे भाला घेऊन तो सराव करत असे. खेळाच्या जोरावर तो राष्ट्रीय पातळीवर खेळू लागला मग त्याने  मागे वळून न पाहता यशाची अशी काही उंची गाठली की 7 ऑगस्ट 2021 मध्ये त्याने भारताला ऑलम्पिक इतिहासात भालाफेकीचे  पहिले सुवर्ण मिळवून दिले.टोकियो ऑलम्पिक येथे भारताचे राष्ट्रगीत वाजताना सर्व तमाम भारतात आनंदाची लहर आली. अशी अलौकिक कामगिरी करणारा महान खेळाडू म्हणजे 'नीरज चोप्रा'.

                नीरज यांना आतापर्यंत एशियन गेम्स, कॉमनवेल्थ गेम्स, साऊथ एशियन गेम्स, वर्ल्ड ज्युनियर चॅम्पियनशिप,या सर्व स्पर्धेत सुवर्ण पदके मिळाली आहे. विविध स्पर्धेत त्यांनी 30 हून अधिक पदके मिळवली आहेत. त्यांच्या या कार्याची दखल घेऊन केंद्र सरकारने त्यांचा अर्जुन पुरस्कार देऊन सन्मान केला आहे.87 मीटर पेक्षा अधिक लांब भाला फेकणारा हा एकमेव खेळाडू आहे. यावरून त्याची उच्च प्रतीची खेळाची गुणवत्ता समजते.

                त्याच खेळाचे फलित म्हणूनच भारतीय सैन्य दलाने त्यांना नायब सुभेदार हे पद बहाल केले आहे. अंजु बॉबी जॉर्ज नंतर विश्व चॅम्पियनशिप जिंकणारी एकमेव व्यक्ती म्हणजे नीरज चोप्रा. शेतकरी कुटूंबात जन्म झाला तरी नीरज चे ध्येय ठरले होते. त्या दिशेने जाताना त्याने दिवसातील आठ आठ तास सराव केला.यशस्वी होण्यासाठी घाम गाळला .तेव्हा  कुठे त्याच्या आयुष्याला गोडी आली.नीरज च्या जीवनातून हेच शिकायचे अन्नच नाही तर आयुष्यही शिजत ठेवावे लागते.कणकण उकळू द्यावे लागते.मगच आयुष्याला गोडी येते.

💐💐💐💐💐💐💐💐💐💐💐💐💐💐💐

                                       😊 संकलन 😊

                                       श्री. भरत पाटील.

😊 प्रेरणादायी व्यक्तिमत्त्व : लवलीना बोरगोहेन.😊

💐 टोकियो ऑलिम्पिक 2021 मध्ये मुष्टियुध्दात भारताला 69 किलो वजनी गटात पहिले ब्रॉंझ मेडल जिंकून देणारी वीरांगना : लवलीना बोरगोहेन.( आसाम ) 💐

   

     आसाम राज्यातील गोलघाट मधील बाडा मुखींया हे तीचे गाव. 2 ऑक्टोबर  1997  साली आई मॅमोनी यांच्या पोटी तिचा जन्म झाला.तीचे  वडील टिकेन लघुउद्योजक. ती शाळेत असताना पदुम बोरो यांनी  तिच्यातील गुणवत्ता  हेरली आणि तिला प्रशिक्षण द्यायला सुरुवात केली.तीने प्रथम किक बॉक्सर म्हणून कारकिर्दीस सुरवात केली .संधी मिळताच मुष्टियुद्धाकडे वळली .पुढे तीचे प्रशिक्षक होते शिव सिंह.त्यांच्या मार्गदर्शनाखाली ती  कसेलेली खेळाडू बनली.  जगातील अत्यंत प्रतिष्ठेच्या ऑलम्पिक स्पर्धेत  69  किलो वजनी गटात  टोकियो ऑलम्पिक  2020  मध्ये भारताला  पाहिले ब्राँझ पदक जिंकून देण्याचा अचाट पराक्रम तीने  केला.असे यश मिळवणारी ती मुलगी म्हणजे लवलीना बोरगोहेन.

                 लवलीना ने आतापर्यंत विश्वचषक स्पर्धा कांस्यपदक, आशियाई स्पर्धा कांस्य पदक,आंतरराष्ट्रीय कुस्ती स्पर्धेत सुवर्णपदक, मिळवले आहे. तिच्या याच कार्याची दखल घेत तिला अर्जुन पुरस्कार देऊन सन्मानित करण्यात आले आहे.ऑलम्पिक मध्ये पात्र ठरणारी आसाम राज्यातील  पहिली महिला खेळाडू म्हणजे लवलीना.माईक टायसन व मोहम्मद अली हे तीचे आवडते खेळाडू.

              भारतातील दुर्गम भागातून आलेल्या अन्य खेळाडूंसारखाच लवलीनाचा संघर्ष आहे.आर्थिक संकटांना तोंड देत तीने ऑलम्पिक पर्यंत चा प्रवास पूर्ण केला.

                  69 किलो गटात मुष्टियुद्धात  ब्राँझ पदक जिंकणारी पहिली भारतीय महिला होण्याचा मान मिळवला.लवलीना जिंकली पण ती एक दिवसात नाही तर कित्येक वर्षांपासूनची मेहनत पदकाच्या रूपाने विजय घेऊन आली.कोरोनाच्या कठीण काळात  भारतीय जनतेसाठी एक अत्यंत आनंदाचा  क्षण  तीने दिला .तिच्या या यशाला सलाम आणि पुढील कारकीर्दीस खूप साऱ्या शुभेच्छा.!💐

💐💐💐💐💐💐💐💐💐💐💐💐💐💐💐

                                         😊 संकलन 😊

                                       श्री. भरत पाटील.